كل جزء في جسمي بيبكي وعينيا متبكيش

ويسالوني ايه مزعلني

لساني يرد ويقول مفيش

والضعف جوايا بحور

وقلبي بقى ارض بور

والفرح ليا مش بيزور

عايش وحزين في عالم حزاني

ودنيا مليانه بالغدر والخيانه

وحكاياتي بالاهات مليانه

وعينيا لكل ده بصه وحيرانه

وكل ما احب القاني دايما اشتاق

وفي الاخر ادوق طعم الفراق

ماشي وعايش في طريق اسمه حياه

وعينيا بصه لاخره مستنياه

ماشي الاقي

ناس يسالوني

وتانيين يلوموني

وكتير منهم يجرحوني

وايديا تصد الجرح ومتردوش

واديني ماشي

واهي سنين جايه وايام بتفوت

وقلبي مع كل لحظه بيموت

واحسن لحظه اعيشها لحظه السكوت

لحظه لافيها كلمه تجرحني ولا حتى بالصدفه تفرحني

اصل الفرحه انا مبحسهاش

ولما بتيجي بضحك ضحكه متسواش

واديني دايره بيا الدنيا

وعادي بدمع الف دمعه في الثانيه

واديني ماشي ولدوايا مش لاقي

اسد الله الغالب